وأعيني اللي حاربت لذه النوم
********* تسهر ولا تقبل لذيذ المنامي
كني صغيرن يسهر الليل فطوم
********* أمه توفت قبل حل الفطامي
على وليفن صار مبعد ومحكوم
********لانا ولا هوه يطيق لكلامي
وأصبحت انا من قوم والزين من قوم
******** يناس وين اللي يودي سلامي
يا طير ياللي فالهوى تكسر الحوم
******** لا واهنيك ما تعرف الغرامي
منته بمثلي من هوا البال محروم
********* لا جيت أبي شوفه عليه حرامي
أبو جديلن فوق الامتان ملموم
*********وليا نقظهن يصلن الحزامي
والصدر مثل البدر ونهوده نجوم
********* والخد براقن يبوج الظلامي
صفت رموشه ياعلي عسكرالروم
********* سودن هدبها مثل ريش النعامي
علقتني رمحن من الحب مسموم
********** وأودعت روحي من غرامك علامي
ياليتهم حطوك في مركز السوم
********** لكن مثلك يالغضي ما يسامي
0 التعليقات:
إرسال تعليق